Qasym-Jomart Toqaev Koreıa Respýblıkasyna memlekettik saparmen bardy
ASTANA. KAZINFORM - Qasym-Jomart Toqaev Prezıdent Lı Chje Meńniń shaqyrýymen Koreıa Respýblıkasyna memlekettik saparmen bardy, dep habarlaıdy Aqordanyń baspasóz qyzmeti.
Memleket basshysyn Seýl áýejaıynda Premer-mınıstrdiń orynbasary – Ǵylym jáne aqparattyq-kommýnıkatsııalyq tehnologııalar mınıstri Pe Gen Hýn kútip aldy.
Aıta keteıik, 12 qyrkúıek kúni Memleket basshysy BRIKS XVIII sammıtine qatysý úshin Nıý-Delı qalasyna bardy.
Onda Prezıdent Abý Dabıdiń Taq muragerimen júzdesip, AQSh Prezıdentiniń Ońtústik jáne Ortalyq Azııa boıynsha arnaıy ókili Serdjıo Gordy qabyldady.
Sondaı-aq Tramp Qasym-Jomart Toqaevty el táýelsizdiginiń 35 jyldyǵymen quttyqtady.
Memleket basshysy «BRIKS plıýs» sammıtine qatysty.
Jıynda sóz sóılegen Toqaev transshekaralyq ınfraqurylymǵa tóngen qaýip týraly aıtty.
Prezıdent BRIKS aıasynda jasandy ıntellekt boıynsha seriktestik qurýdy usyndy.
Prezıdent Úndistan Premer-mınıstrin Qazaqstanǵa memlekettik saparmen kelýge shaqyryp, birqatar eldiń jáne halyqaralyq uıymdardyń delegatsııa basshylarymen júzdesti.
