Qasym-Jomart Toqaev Polsha Senatynyń Marshalyn qabyldady
ASTANA. KAZINFORM - Aqordada Prezıdent Qasym-Jomart Toqaev Polsha Respýblıkasy Senatynyń Marshaly Malgojata Kıdava-Blonskamen kezdesti.
Kezdesý barysynda ekijaqty yntymaqtastyqty nyǵaıtý jáne qos eldiń zań shyǵarýshy organdary arasyndaǵy baılanysty keńeıtý máseleleri talqylandy.
– Álemdegi ekonomıkasy iri elderdiń jıyrmalyǵyna enetin Polshamen yqpaldastyqty ilgeriletýge erekshe mán beremiz. Memleketterimiz arasynda dıplomatııalyq qarym-qatynas ornaǵan sátten beri shynaıy dostyq baılanystar qalyptasty. Parlamentaralyq dıalog josparly ári tabysty túrde damyp keledi, – dedi Memleket basshysy.
Áńgimelesý barysynda tarıhı tamyrlastyqqa aıryqsha nazar aýdaryldy. Prezıdent kórnekti polıak etnografy Adolf ıAnýshkevıchtiń qazaq tarıhyn, turmysy men mádenıetin zertteýge zor úles qosqanyn atap ótti.
Qasym-Jomart Toqaev oraıly sátti paıdalana otyryp, Polsha Prezıdenti Karol Navrotskııge jáne Premer-mınıstr Donald Týskke ystyq yqylasyn joldady.
Malgojata Kıdava-Blonska qonaqjaılyq tanytqany úshin Memleket basshysyna shynaıy rızashylyǵyn bildirdi.
– Sizben kezdesýdi úlken mártebe sanaımyn. Qazaqstanǵa jasaǵan alǵashqy saparymnyń máni erekshe. Biz elińizge polıak halqy úshin eleýli kezeńde kelip otyrmyz. ıAǵnı otandastarymyzdyń osy jerge kúshtep jer aýdarylǵanyna 90 jyl toldy. Olarǵa qazaq halqy súıeý bolyp, qıly zamanda qol ushyn sozdy. Bizdi ortaq tarıh qana emes, keleshektegi mol múmkindikter de biriktiredi. Polsha úshin aımaqtaǵy jetekshi elderdiń biri sanalatyn Qazaqstanmen yntymaqtastyqty damytý asa mańyzdy, – dedi Senat Marshaly.
Aıta keteıik, Qazaqstan Respýblıkasynyń Prezıdenti Qasym-Jomart Toqaevtyń shaqyrýymen 2026 jylǵy 19 – 20 maýsymda Chernogorııa Prezıdenti ıAkov Mılatovıch Qazaqstan Respýblıkasyna ekijaqty qatynastar tarıhyndaǵy alǵashqy resmı saparmen keldi.
