Qasym-Jomart Toqaev Peter Madıardy parlament saılaýynda jeńiske jetýimen quttyqtady
ASTANA. KAZINFORM – Qasym-Jomart Toqaev Peter Madıardy Majarstandaǵy parlament saılaýynda jeńiske jetýimen quttyqtady. Bul týraly Aqorda habarlady.
Memleket basshysy daýys berý nátıjesi majar halqy TISZA partııasynyń jetekshileri men baǵdarlamasyna joǵary deńgeıde senim bildirgenin kórsetip, bul Majarstannyń ornyqty damýyn qamtamasyz etetinin atap ótti.
Prezıdent Astananyń Býdapeshtpen strategııalyq seriktestikti nyǵaıtýǵa aıryqsha mán beretinine toqtalyp, qos halyqtyń ıgiligi úshin ekijaqty yntymaqtastyqty keńeıtýge daıyn ekenin rastady.
Qasym-Jomart Toqaev Peter Madıardyń asa jaýapty qyzmetine tabys, al dostas majar halqyna qut-bereke tiledi.
Buǵan deıin Majarstanda ótetin saılaý eldi uzaq jyldar basqarǵan premer-mınıstr Vıktor Orbannyń qyzmetten ketýine alyp kelýi múmkin ekenin jazǵan bolatynbyz.
Saýalnamalardyń basym bóligi bıleýshi «Fıdes» partııasynan bólinip shyǵyp, halyqtyq «Tısa» partııasyn qurǵan Peter Madıarǵa basymdyq berdi.
