Qasym-Jomart Toqaev pen ıÝn Sok El strategııalyq áriptestikti odan ary damytýǵa ýaǵdalasty

ASTANA. KAZINFORM - Qasym-Jomart Toqaev pen ıÝn Sok El strategııalyq áriptestikti odan ary damytýǵa ýaǵdalasty. Bul týraly Aqordada Ońtústik Koreıa Prezıdenti ıÝn Sok Elmen kelissózderden keıingi birlesken málimdeme barysynda Memleket basshysy Qasym-Jomart Toqaev aıtty.

“Búgin qazaq-koreı dostyǵy jylnamasyndaǵy aıtýly kún deýge tolyq negiz bar. Biz Koreıa basshysynyń osy memlekettik saparyna aıryqsha mán beremiz. Bul ekijaqty qarym-qatynastyń deńgeıi joǵary ekendigin kórsetedi. Men elderimiz arasyndaǵy yntymaqtastyqty joǵary baǵalaımyn. Búgin biz keńeıtilgen strategııalyq áriptestigimizdi odan ary damytýǵa ýaǵdalastyq. Ózara yqpaldastyqtyń jańa baǵyttaryn aıqyndadyq. Eń bastysy bir-birimizge árqashan tileýles ekendigimizdi tanyttyq”, - dedi Memleket basshysy.

Qazaqstan Prezıdenti saýda-ekonomıka jáne ınvestıtsııa salalaryna basa mán berilgenin atap ótti.

“Koreıa Qazaqstannyń eń iri bes ınvestorynyń biri. Byltyrǵa deıin osy elden tartylǵan ınvestıtsııa kólemi 9,6 mlrd dollarǵa jetti. Bul kórsetkishti ulǵaıtýǵa eki tarap ta múddeli. Qazaqstanda koreı kapıtaly bar 700-den astam kompanııa qyzmet etedi. Mysaly, Samsung, Hyundai, KІA, LOTTE, Doosan, Posco sııaqty alpaýyt korporatsııalardy atap ótýge bolady. Olar elimizde tabysty jumys júrgizip jatyr”, - dedi Qasym-Jomart Toqaev.