Qasym-Jomart Toqaev pen ıAkov Mılatovıch birlesken málimdeme jasady

Osyǵan baılanysty Qazaqstan Respýblıkasynyń Prezıdenti men Chernogorııa Prezıdenti mynadaı málimdeme jasady:

1. Shynaıy dostyq pen ózara qurmetke negizdelgen dıplomatııalyq qatynastardyń ornaǵanyna 20 jyl tolýyna oraı, Prezıdentter eki el men olardyń halyqtarynyń ıgiligi úshin ekijaqty yntymaqtastyqty odan ári nyǵaıtýǵa jáne ártaraptandyrýǵa beıildiligin rastady.

2. Prezıdentter ekijaqty kún tártibindegi keń aýqymdy máseleler, sondaı-aq negizgi jahandyq jáne óńirlik protsester boıynsha mazmundy kelissózder júrgizdi. Olar joǵary deńgeıdegi turaqty baılanystardy qoldaýdyń mańyzdylyǵyn atap ótip, ózara múddeli máseleler boıynsha syndarly dıalogty jalǵastyrýǵa ýaǵdalasty.

3. Taraptar Birikken Ulttar Uıymynyń Jarǵysyna jáne halyqaralyq quqyqtyń negizgi qaǵıdattaryna berik beıildiligin rastady, sondaı-aq halyqaralyq uıymdar sheńberinde kúsh-jigerdi úılestirýge jáne óńirlik ári jahandyq turaqtylyqty nyǵaıtýǵa baǵyttalǵan bastamalardy qoldaýǵa daıyndyǵyn bildirdi.

4. Prezıdentter qorshaǵan orta jáne klımattyń ózgerýi salasyndaǵy kópjaqty yntymaqtastyqtyń mańyzdylyǵyn atap ótti, sondaı-aq sý resýrstaryn jahandyq basqarý isinde Qazaqstannyń belsendi kóshbasshylyǵy men atsalysýyn quptady.

5. Chernogorııa tarapy tıimdi memlekettik basqarýdy nyǵaıtýǵa jáne ornyqty uzaq merzimdi damýdy qamtamasyz etýge baǵyttalǵan keshendi konstıtýtsııalyq jáne ınstıtýtsıonaldyq reformalar arqyly júzege asyrylyp jatqan Qazaqstannyń saıası transformatsııa men ekonomıkalyq jańǵyrtýǵa degen dáıekti beıildiligin joǵary baǵalady.

Óz kezeginde, Qazaqstan tarapy Chernogorııanyń ekonomıkalyq jáne áleýmettik damýyndaǵy ilgerileýin joǵary baǵalap, Chernogorııanyń Eýropalyq Odaqqa (EO) tolyqqandy múshe bolý jolyndaǵy kúsh-jigerin qoldaıtynyn rastady jáne reformalardy odan ári ilgeriletý men ınstıtýtsıonaldyq áleýetti nyǵaıtý EO-ǵa kirý boıynsha kelissózderdiń oıdaǵydaı aıaqtalýyna yqpal etetinine senim bildirdi.

6. Taraptar saýda-ekonomıkalyq yntymaqtastyqtyń eleýli áleýetin atap ótip, ózara saýda kólemin ulǵaıtý jáne tikeleı ınvestıtsııalardy yntalandyrý jónindegi birlesken is-qımyldy jandandyrýǵa ýaǵdalasty. Olar energetıka, kólik, logıstıka jáne qurylys salalaryn qosa alǵanda, negizgi sektorlardaǵy yntymaqtastyqty nyǵaıtýdyń mańyzdylyǵyn atap ótti. Taraptar ózara is-qımyldyń jańa baǵyty retinde tsıfrlyq damý jáne jasandy ıntellekt salasyndaǵy yntymaqtastyqtyń áleýetin de atap ótti.

7. Prezıdentter Qazaqstannyń Transkaspıı halyqaralyq kólik baǵytyn (THKB) damytýdaǵy negizgi rólin erekshe atap ótip, ony Azııa men Eýropany baılanystyratyn senimdi ári tıimdi dáliz retindegi mańyzynyń artyp kele jatqanyn moıyndady.

8. Taraptar Qazaqstan men Chernogorııa arasynda dóńgelek ústel uıymdastyrý isin quptap, týrıster legin ulǵaıtýdy, áýe qatynasynyń baılanystylyǵyn keńeıtý úshin jaǵdaı jasaýdy jáne eki eldiń týrıstik áleýetin ilgeriletýdi qosa alǵanda, týrızm salasyndaǵy yntymaqtastyqty damytýdyń mańyzdylyǵyn atap ótti.

9. Taraptar joǵary bilim, ǵylym jáne zertteýler salasyndaǵy ekijaqty yntymaqtastyqty ilgeriletýge, sondaı-aq birlesken akademııalyq jáne ǵylymı bastamalardy iske asyrý múmkindikterin zerdeleýge ýaǵdalasty.

10. Prezıdentter mádenı yntymaqtastyqty eki el arasyndaǵy ózara túsinistik pen dostyqty nyǵaıtýdyń mańyzdy negizi retinde moıyndap, ony odan ári damytýǵa beıildiligin rastady.

11. Prezıdentter osy resmı sapar barysynda qol jetkizilgen ýaǵdalastyqtar eki halyqtyń múddesi úshin ekijaqty yntymaqtastyqty jan-jaqty damytýǵa jańa serpin beretinine senim bildirdi.

Aıta keteıik, búgin Memleket basshysy Qasym-Jomart Toqaevtyń elimizge resmı saparmen kelgen Chernogorııa Prezıdenti ıAkov Mılatovıchti Táýelsizdik saraıynda qarsy aldy.