Qasym-Jomart Toqaev pen Vaagn Hachatýrıan Armenııanyń Qazaqstandaǵy mádenıet kúnderiniń ashylý saltanatyna qatysty
ASTANA. KAZINFORM - Eki el basshylary Qalıbek Qýanyshbaev atyndaǵy Qazaq ulttyq mýzykalyq drama teatrynda Armenııanyń mádenıet kúnderine oraı uıymdastyrylǵan saltanatty kontsertke bardy.
Prezıdentter, eń aldymen, dańqty armıan kınorejısseri jáne sýretshisi Sergeı Paradjanovtyń 100 jyldyq mereıtoıyna arnalǵan teatr foıesindegi fotokórmeni tamashalady.
Kontsertte Armenııanyń Memlekettik djaz orkestri men Inga Arshakıan, Gor Sýdjıan sekildi ónerpazdary álemge áıgili armıan kompozıtorlary Komıtastyń, Sharl Aznavýrdyń, Jorj Garvarentstiń jáne Arno Babadjanıannyń mýzykalyq shyǵarmalaryn oryndady.
Sonymen qatar 15-16 qazan kúnderi Astanada Armenııa kınosynyń kúnderi ótedi. Al Sos Sarkısıan atyndaǵy «Amazgaın» teatry kórermen nazaryna Danııl Harms shyǵarmasynyń jelisimen qoıylǵan «Lıý-Bef» spektaklin usynady.
