20:34, 06 Mamyr 2025 | GMT +5
Qasym-Jomart Toqaev pen To Lam Qazaqstandaǵy Vetnam mádenıeti kúnderine arnalǵan kontsertti tamashalady
ASTANA. KAZINFORM - Qasym-Jomart Toqaev pen To Lam Qazaqstandaǵy Vetnam mádenıeti kúnderi aıasynda uıymdastyrylǵan kontsertti tamashalady, dep habarlaıdy Aqordanyń baspasóz qyzmeti.
«Astana Opera» teatrynyń sahnasynda mártebeli qonaqtar men elorda jurtshylyǵyna Hanoı fılarmonııa orkestri, «Astana Balet» teatrynyń sımfonııalyq orkestri, «Astana Opera» Memlekettik opera jáne balet teatrynyń hory, sondaı-aq qazaq jáne vetnam halyqtarynyń belgili mádenıet qaıratkerleri óner kórsetti.
Aıta keteıik, Vetnam Kommýnıstik partııasy Ortalyq komıtetiniń Bas hatshysy To Lam elimizge memlekettik saparmen keldi.
Osyǵan deıin Qazaqstan men Vetnam arasynda strategııalyq seriktestik ornatý týraly birlesken málimdeme jasalǵany týraly jazdyq.