Qasym-Jomart Toqaev pen To Lam «Etnoaýyl» kórmesin aralady
ASTANA. KAZINFORM — Astanaǵa memlekettik saparmen kelgen Vetnam Kommýnıstik partııasy Ortalyq komıtetiniń Bas hatshysy To Lam qazaq halqynyń mádenı murasyn tanystyratyn «Etnoaýyl» kórmesine bardy. Bul týraly Aqorda málim etti.
Mártebeli meımandar tól tarıhymyzdy tanytatyn, sonyń ishinde ultymyzdyń kıim úlgileri, qolóneri, ádet-ǵurpy men saıatshylyq dástúri, mýzykalyq aspaptary, keskindemesi jáne halyq oıyndary kórsetilgen birneshe taqyryptyq aımaqty tamashalady.
Ekspozıtsııanyń ár bóligi dala órkenıetiniń erekshelikterin pash etedi.
Vetnam Kommýnıstik partııasy Ortalyq komıtetiniń Bas hatshysy To Lam «Etnoaýylda» cábıdiń tusaýyn kesip, onyń ómirlik joly ashyq bolýyna tilektestik bildirdi.
Eske sala keteıik, buǵan deıin Qasym-Jomart Toqaev pen To Lam Qazaqstandaǵy Vetnam mádenıeti kúnderine arnalǵan kontsertti tamashalady.