Qasym-Jomart Toqaev pen Slovenııa Prezıdenti Astana halyqaralyq qarjy ortalyǵyn aralap kórdi
ASTANA. KAZINFORM - Qasym-Jomart Toqaev pen Qazaqstanǵa resmı saparmen kelgen Slovenııa Prezıdenti Natasha Pırts-Mýsar Astana halyqaralyq qarjy ortalyǵyn aralap kórdi, dep habarlaıdy Aqordanyń baspasóz qyzmeti.
Prezıdentterge qarjy ortalyǵynyń qurylymy men qyzmetiniń negizgi baǵyttary týraly málimet berildi.
- Qarjy ortalyǵy arqyly tartylǵan ınvestıtsııa - 14,4 mllrd dollar:
- 7,1 mıllıardy – Astana International Exchange bırjasyndaǵy portfeldik ınvestıtsııalar;
- 7,3 mıllıardy – AHQO qatysýshylarynyń ınvestıtsııalary.
- Qarjy ortalyǵynda álemniń 80-nen astam elinen 3700-ge jýyq kompanııa tirkelgen.
Memleketter basshylaryna pretsedenttik quqyq normalary men qaǵıdattaryna negizdelgen Ortalyq Azııadaǵy alǵashqy sot júıesi – AHQO Sotynyń, sondaı-aq Halyqaralyq tórelik ortalyǵynyń jumysy jóninde baıandaldy.
Osyǵan deıin Slovenııa Prezıdenti Qazaqstanmen yntymaqtastyqtyń basym baǵyttaryn ataǵan bolatyn.
