Qasym-Jomart Toqaev pen Shavkat Mırzıeev telefon arqyly sóılesti

ASTANA. KAZINFORM – Prezıdentter bir-birin kele jatqan Naýryz meıramymen quttyqtap, baýyrlas halyqtarǵa baq-bereke tiledi. Bul týraly Aqorda málim etti. 

— Memleket basshysy áńgimelesý barysynda ekijaqty yntymaqtastyqtyń damý qarqyny joǵary ekenin atap ótip, onyń Qazaqstan men Ózbekstan arasyndaǵy strategııalyq seriktestik pen odaqtastyq qatynastardyń deńgeıine tolyq saı keletinin jetkizdi, — delingen habarlamada.

Taraptar saýda-ekonomıkalyq, ınvestıtsııalyq jáne mádenı-gýmanıtarlyq yqpaldastyqty odan ári tereńdetýge nıetti ekenderin rastady. 

Sondaı-aq aldaǵy ýaqytqa josparlanǵan kezdesýler kestesin talqylady.

Eske sala keteıik, buǵan deıin memleket basshysynyń Jarlyǵymen  Atom energııasy jónindegi agenttik qurylǵanyn jazǵan bolatynbyz.