Qasym-Jomart Toqaev pen Shavkat Mırzıeev birqatar nysannyń ashylý saltanatyna qatysty
ASTANA. KAZINFORM — Aqordada beınebaılanys rejıminde Qazaqstan men Ózbekstan prezıdentteriniń qatysýymen Muhtar Áýezov atyndaǵy Ońtústik Qazaqstan zertteý ýnıversıtetiniń Shyrshyq qalasyndaǵy fılıalynyń, sondaı-aq «Tashkent ırrıgatsııa jáne aýyl sharýashylyǵyn mehanıkalandyrý ınjenerleri ınstıtýty» Ulttyq zertteý ýnıversıtetiniń Almaty qalasyndaǵy fılıalynyń resmı ashylý saltanaty ótti. Bul týraly Aqordanyń baspasóz qyzmeti málim etti.
Memleketter basshylaryna jańa fılıaldardyń qyzmeti týraly beınerolık kórsetildi.
Shara barysynda Qazaqstan Respýblıkasy Ǵylym jáne joǵary bilim mınıstri Saıasat Nurbek pen Ózbekstannyń Bilim mınıstri Kongratbaı Sharıpov eki eldiń ǵylym-bilim salasyndaǵy yntymaqtastyǵy jóninde baıandama jasady.
Qasym-Jomart Toqaev pen Shavkat Mırzıeev ýnıversıtetter fılıaldaryn ashýǵa ruqsat berdi.