Qasym-Jomart Toqaev pen Shavkat Mırzıeev Bahaýddın Naqyshbandı memorıaldyq keshenine bardy
BUHARA. KAZINFORM – Qazaqstan Prezıdentiniń Ózbekstanǵa jumys sapary Buharadaǵy Bahaýddın Naqyshbandı kesenesine zııarat etýden bastaldy. Bul týraly Aqordanyń baspasóz qyzmeti habarlady.
Memleketter basshylary medrese, eki meshit pen munaradan turatyn memorıaldyq keshendi aralap kórdi.
Zııarat barysynda Quran oqylyp, baýyrlas halyqtarǵa beıbit ómir men baq-bereke tilep, duǵa jasaldy.
Qasym-Jomart Toqaev pen Shavkat Mırzıeev memorıaldyq keshenge kelýshilermen jyly ráýishte áńgimelesip, sýretke tústi.
Naqyshbandııa tarıqatynyń negizin salýshy Bahaýddıın Naqyshbandıdiń kesenesi XVI ǵasyrda salynǵan.
Eskertkish janyndaǵy mýzeıde XIX ǵasyrdaǵy Quran qoljazbasy, tarıhı qujattar, kitaptar men basqa da qundy jádigerler saqtalǵan.
Eske sala keteıik, buǵan deıin Memleket basshysy Qasym-Jomart Toqaevtyń Ózbekstanǵa jumys saparymen barǵanyn jazǵan edik.
