Prezıdent pen Shavkat Mırzıeev Almaty taý shańǵysy klasterimen tanysty
ALMATY. KAZINFORM — Qala ákimi Erbolat Dosaev prezıdentterge Іle Alataýynyń asqaraly shyńdaryn kórsetip, Kishi Almaty shatqalyndaǵy «Medeý» selden qorǵaý bógetin salý tarıhy jóninde aıtty. Bul týraly Aqorda málim etti.
Sonymen qatar sheteldik jáne jergilikti alpınıster men týrıster arasynda tanymal baǵyttar tanystyryldy. Qasym-Jomart Toqaev pen Shavkat Mırzıeev qala ákiminiń elimizdegi eń iri «Shymbulaq» taý shańǵysy kýrorty jónindegi esebin tyńdady.
Qazirgi kezde munda 5 aspaly jol jumys istep tur. Al shańǵy tebýge arnalǵan trassanyń jalpy uzyndyǵy 25 shaqyrymdy quraıdy. Byltyr Shymbulaqqa 1,4 mıllıon adam kelgen. Memleketter basshylary Almatynyń týrıstik áleýetine joǵary baǵa berdi. Olardyń pikirinshe, ásem tabıǵat aıasynda ornalasqan jáne damyǵan ınfraqurylymy, sapaly joly bar taý shańǵysy kýrorty – Ortalyq Azııadaǵy qysqy jáne jazǵy demalysqa laıyq eń tartymdy oryndardyń biri.
Prezıdentterge Almaty taý klasterin odan ári damytý perspektıvasy týraly málimet berildi. Atap aıtqanda, «Shymbulaqtyń» qazirgi taý shańǵysy trassasyn 56 shaqyrymǵa deıin uzartý jáne jańadan 65 shaqyrym ınfraqurylym salý josparlanyp otyr.
Bul Almaty mańaıynda týrıstik áleýetimizdi barynsha tanytatyn álemdik deńgeıdegi birtutas iri klaster qurýǵa múmkindik beredi.
Buǵan deıin habarlanǵandaı, Ózbekstan Prezıdenti Shavkat Mırzıeev Qazaqstanǵa jumys saparymen keldi.