Qasym-Jomart Toqaev pen Shahbaz Sharıf strategııalyq seriktestik týraly birlesken deklaratsııaǵa qol qoıdy
ISLAMABAD. KAZINFORM - Prezıdent Qasym-Jomart Toqaev pen Premer-mınıstr Shahbaz Sharıf Qazaqstan Respýblıkasy men Pákistan Islam Respýblıkasy arasynda strategııalyq seriktestik ornatý týraly birlesken deklaratsııaǵa qol qoıdy, dep habarlaıdy Aqordanyń baspasóz qyzmeti.
Sonymen qatar Memleket basshysy men Pákistan Premer-mınıstriniń qatysýymen mynadaı qujattarǵa qol qoıyldy:
1. Taý-ken ónerkásibi jáne geologııa ǵylymy salasyndaǵy yntymaqtastyq týraly memorandým;
2. BUU mıssııalarynda bitimgerlik bólimshesin (bólimshelerin) birlesip óristetý jónindegi ózara túsinistik týraly memorandým;
3. Ekstradıtsııalaý týraly shart;
4. Qazaqstan Respýblıkasy Kólik mınıstrligi men Pákistan Islam Respýblıkasy
Federaldy teńiz isi mınıstrligi arasyndaǵy yntymaqtastyq týraly memorandým;
5. Qazaqstan Respýblıkasy Saýda jáne ıntegratsııa mınıstrligi men Pákistan Islam Respýblıkasy Saýda mınıstrligi arasyndaǵy tranzıttik saýda týraly kelisim;
6. Keden máseleleri boıynsha yntymaqtastyq pen ózara ákimshilik kómek týraly kelisim;
7. Qazaqstan Respýblıkasy Kólik mınıstrligi men Pákistan Islam Respýblıkasy Federaldy temirjol mınıstrligi arasyndaǵy ózara túsinistik týraly memorandým;
8. Karantın jáne ósimdikterdi qorǵaý salasyndaǵy yntymaqtastyq týraly kelisim;
9. Veterınarııa salasyndaǵy yntymaqtastyq týraly kelisim;
10. Jasandy ıntellekt jáne tsıfrlandyrý salasyndaǵy yntymaqtastyq týraly memorandým;
11. Densaýlyq saqtaý salasyndaǵy ózara túsinistik týraly memorandým;
12. Qazaqstan Respýblıkasy Prezıdentiniń Іs basqarmasy «Qazaqstan Respýblıkasy Prezıdentiniń teleradıokesheni» sharýashylyq júrgizý quqyǵyndaǵy respýblıkalyq memlekettik kásiporny men Associated Press of Pakistan (APP) arasyndaǵy ózara túsinistik jáne yntymaqtastyq týraly memorandým;
13. Klımattyń ózgerýi jáne qorshaǵan ortany qorǵaý salasyndaǵy ózara túsinistik týraly memorandým;
14. ál-Farabı atyndaǵy Qazaq ulttyq ýnıversıteti men Pákistan Islam Respýblıkasy Bilim jáne kásibı daıarlyq mınıstrligi arasyndaǵy ózara túsinistik týraly memorandým;
15. Qazaqstan Respýblıkasy Qarjy naryǵyn retteý jáne damytý agenttigi men Pákistan Islam Respýblıkasy Memlekettik banki arasyndaǵy ózara túsinistik týraly memorandým;
16. Mádenı-gýmanıtarlyq yqpaldastyq salasyndaǵy yntymaqtastyq boıynsha 2026-2027 jyldarǵa arnalǵan is-sharalar jospary;
17. Qazaqstan Respýblıkasy Jasandy ıntellekt jáne tsıfrlyq damý mınıstrligi men Pákistan Islam Respýblıkasy Vırtýaldi aktıvterdi retteý agenttigi arasyndaǵy tsıfrlyq aktıvter salasy boıynsha ózara túsinistik týraly memorandým;
18. Qazaqstan Respýblıkasy Kólik mınıstrligi men Karachı porty arasyndaǵy aqparat almasý jáne kásibı damý salasy boıynsha yntymaqtastyq týraly memorandým;
19. «Qazaqstan temir joly» UK» AQ men National Logistics Corporation arasyndaǵy logıstıka salasy boıynsha ózara túsinistik týraly memorandým;
Saltanaty is-sharada Qasym-Jomart Toqaevtyń Pákistanǵa memlekettik sapary barysynda budan bólek, taǵy 18 qujatqa qol qoıylǵany jóninde habarlandy.
Aıta keteıik, Prezıdent Qasym-Jomart Toqaev Pákistanǵa memlekettik saparmen bardy.
Memleket basshysyn Islamabad áýejaıynda Prezıdent Asıf Alı Zardarı qarsy aldy.
Pákistanda Prezıdent Qasym-Jomart Toqaevty resmı qarsy alý rásimi ótti.
Qasym-Jomart Toqaev pen Shahbaz Sharıf shaǵyn quramda kelissóz júrgizdi.
Qasym-Jomart Toqaev pen Shahbaz Sharıftiń kelissózderi eki el delegatsııalarynyń qatysýymen keńeıtilgen quramda jalǵasty.