Qasym-Jomart Toqaev pen Serdar Berdimuhamedov BAQ ókilderine arnalǵan brıfıng ótkizdi

ASTANA. KAZINFORM – Qasym-Jomart Toqaev Prezıdent Serdar Berdimuhamedovtiń qazaq jerine memlekettik saparynyń máni aıryqsha dep sanaıtynyn, Túrikmenstan – Qazaqstan úshin mańyzdy ári senimdi seriktes, baýyrlas el ekenin atap ótti.

– Qos halyqty shynaıy dostyq, ortaq tarıh pen rýhanı-mádenı qundylyqtar biriktiredi. Osyndaı myzǵymas tuǵyry bar qarym-qatynasymyz strategııalyq áriptestik rýhynda qarqyndy damyp jatyr. Eki el arasynda joǵary deńgeıdegi saıası dıalog qalyptasty. Saýda-ekonomıka salasyndaǵy baılanys jyldan jylǵa kúsheıip keledi. Mádenı-gýmanıtarlyq baǵyttaǵy yqpaldastyq nyǵaıa tústi. Biz aımaqtyq qaýipsizdik pen turaqtylyqty qamtamasyz etýge belsene atsalysyp kelemiz, – dedi Memleket basshysy.

Osy oraıda Qasym-Jomart Toqaev Serdar Berdimuhamedov pen baýyrlas túrikmen halqyn Túrikmenstannyń turaqty beıtaraptyǵynyń 30 jyldyǵymen quttyqtady.

– Beıtarap saıasat júrgizý Túrikmenstannyń halyqaralyq arenadaǵy bedelin bıiktetip, beıbitshilik, turaqtylyq pen qaýipsizdik qaǵıdattaryna beıil ekenin kórsetti, – dedi Memleket basshysy.

Aıta keteıik, Qazaqstan men Túrikmenstan qandaı kelisimder jasaǵanyn mynaý silteme arqyly bile alasyz.