Qasym-Jomart Toqaev pen Shahbaz Sharıf shaǵyn quramda kelissóz júrgizdi

ASTANA. KAZINFORM – Memleket basshysy Qasym-Jomart Toqaev pen Premer-mınıstr Shahbaz Sharıf shaǵyn quramda kelissóz júrgizdi. Bul týraly Aqordanyń baspasóz qyzmeti habarlady. 

Taraptar sońǵy jyldary Qazaqstan men Pákistan arasynda kópjosparly yntymaqtastyq qarqyndy damyp kele jatqanyn atap ótti.

Sondaı-aq saıası, saýda-ekonomıkalyq, ınvestıtsııalyq jáne mádenı-gýmanıtarlyq yqpaldastyqty nyǵaıtýdyń perspektıvti baǵyttaryn talqylady.

Kezdesý barysynda saýda, kólik-logıstıka, energetıka, aýyl sharýashylyǵy, tsıfrlandyrý, ǵarysh jáne qarjy salalaryndaǵy qarym-qatynasty tereńdetý máselesine basa nazar aýdaryldy.

Qasym-Jomart Toqaev pen Shahbaz Sharıf óńirlik jáne halyqaralyq kún tártibiniń ózekti máseleleri jóninde pikir almasty. 

Aıta ketelik Pákistanda Prezıdent Qasym-Jomart Toqaevty resmı qarsy alý rásimi ótken edi.