Qasym-Jomart Toqaev pen Koreıa Prezıdenti keńeıtilgen quramda kelissóz júrgizdi
ASTANA. KAZINFORM - Memleket basshysy Qasym-Jomart Toqaev pen Koreıa Respýblıkasynyń Prezıdenti ıÝn Sok El keńeıtilgen quramda kelissóz júrgizdi, dep habarlaıdy Aqordanyń baspasóz qyzmeti.
Eki el delegatsııalarynyń qatysýymen ótken kelissóz barysynda Memleket basshysy Qasym-Jomart Toqaev Prezıdent ıÝn Sok Eldiń Qazaqstanǵa jasaǵan alǵashqy memlekettik saparyn tarıhı oqıǵa dep baǵalady. Sondaı-aq búgingi kelissózder qazaq-koreı yqpaldastyǵynyń aıasyn keńeıtip, ekijaqty baılanysty jańa beleske kóteretinin aıtty.
Qazaqstan Prezıdentiniń pikirinshe, Ońtústik Koreıa jahandyq aýqymdaǵy naǵyz ekonomıkalyq jáne tehnologııalyq lokomotıvke aınaldy. Al álemge áıgili koreı korporatsııalary halyqaralyq arenada eldiń «negizgi jahandyq memleket» retindegi pozıtsııasyn ilgeriletýge eleýli úles qosyp keledi.
Qasym-Jomart Toqaev ekijaqty qatynastardy damytý máselelerine toqtaldy. Onyń aıtýynsha, Seýl – Qazaqstannyń Azııa-Tynyq muhıty aımaǵyndaǵy mańyzdy strategııalyq seriktesteriniń biri. Koreıa syrtqy saýda aınalymy boıynsha tórtinshi orynda jáne elimizdegi eń iri sheteldik ınvestorlardyń ondyǵyna kiredi.
Memleket basshysy Qazaqstan men Koreıanyń otyz jyldan astam ýaqyt ishinde joǵary deńgeıdegi saıası dıalogqa qol jetkizgenin, tabysty ekonomıkalyq yntymaqtastyqty jáne berik gýmanıtarlyq baılanystardy jolǵa qoıǵanyn atap ótti. Eki el parlamentaralyq, úkimetaralyq, vedomstvoaralyq deńgeıde jáne basqa da túrli salalarda yqpaldastyq ornatqan. Іskerlik keńes pen Saýda-ekonomıkalyq jáne ǵylymı-tehnıkalyq yntymaqtastyq jónindegi úkimetaralyq komıssııa tabysty jumys istep jatyr.
Qasym-Jomart Toqaev eki el kásipkerleri arasyndaǵy tyǵyz qarym-qatynasty jolǵa qoıý isinde turaqty baılanystar asa mańyzdy ról atqaratynyna toqtaldy. Sondaı-aq Qazaqstanda Ońtústik Koreıanyń kapıtaly bar 700-den astam kompanııa jemisti jumys istep jatqanyn erekshe atap ótti.
Budan bólek, taraptar mádenı-gýmanıtarlyq baılanystardy damytý máselesine nazar aýdardy.
– Qazaqstanda turatyn 120 myń etnıkalyq koreı ultynyń ókilderi eki el arasyndaǵy qatynastardy nyǵaıtýda mańyzdy ról atqarady jáne oǵan ólsheýsiz úles qosady. Óz kezeginde Koreıada bilim alyp jatqan myńnan astam qazaqstandyq jastar memleketter arasyndaǵy «dostyqtyń altyn kópiri» sanalady, – dedi Qasym-Jomart Toqaev.
Prezıdent ıÝn Sok El qazaq jerinde qurmet kórsetkeni úshin Memleket basshysyna alǵys aıtyp, bıyl Koreıa Respýblıkasy men Qazaqstan arasynda strategııalyq seriktestik ornaǵanyna 15 jyl tolǵanyn atap ótti
– Koreıa Respýblıkasy óziniń basty strategııalyq seriktesi – Qazaqstanmen birge jarqyn jáne kemel keleshekke qatar qadam basýǵa nıetti, – dedi Koreıa Prezıdenti.
Kelissóz barysynda energetıka, ınfraqurylym, ónerkásip, mashına jasaý, saýda, kólik-logıstıka, tsıfrlandyrý, aeroǵarysh ónerkásibi, qarjy sektory, bilim berý, densaýlyq saqtaý, farmatsevtıka, týrızm, mádenıet, ekologııa jáne basqa da salalardaǵy ekijaqty yqpaldastyqtyń perspektıvalary talqylandy.
Kezdesý sońynda Prezıdent Qasym-Jomart Toqaev mazmundy jáne konstrýktıvti kelissóz júrgizgeni úshin koreı tarapyna rızashylyq bildirdi.
