Qasym-Jomart Toqaev pen Iraklıı Kobahıdze birlesken málimdeme qabyldady
ASTANA. KAZINFORM - Kelissóz qorytyndysy boıynsha Qasym-Jomart Toqaev pen Iraklıı Kobahıdze Qazaqstan Respýblıkasy men Grýzııa arasynda Strategııalyq seriktestik ornatý jónindegi birlesken málimdeme qabyldady, dep habarlaıdy Aqordanyń baspasóz qyzmeti.
Eki eldiń delegatsııa músheleri mynadaı memleketaralyq jáne vedomstvoaralyq qujattarmen almasty:
1. Qazaqstan Respýblıkasy Mádenıet jáne aqparat mınıstrligi men Grýzııa Mádenıet mınıstrligi arasynda mádenıet salasyndaǵy yntymaqtastyq boıynsha ózara túsinistik týraly memorandým;
2. Qazaqstan Respýblıkasy Jasandy ıntellekt jáne tsıfrlyq damý mınıstrligi men Grýzııa Ekonomıka jáne ornyqty damý mınıstrligi arasynda ózara yntymaqtastyq týraly memorandým;
3. Qazaqstan Respýblıkasy Týrızm jáne sport mınıstrligi men Grýzııa Ekonomıka jáne ornyqty damý mınıstrligi arasynda týrızm salasyndaǵy yntymaqtastyq boıynsha ózara túsinistik týraly memorandým.
Aıta keteıik, búgin Qasym-Jomart Toqaev Táýelsizdik saraıynda Grýzııa Premer-mınıstrin qarsy aldy.
