Qasym-Jomart Toqaev pen Ilham Álıev Shýsha qalasyna bardy
ASTANA. KAZINFORM - Memleket basshysynyń Ázerbaıjanǵa sapary Shýsha qalasynda jalǵasty, dep habarlaıdy Aqordanyń baspasóz qyzmeti.
Eki el prezıdentteri Qarabaq taý jotasynyń baýraıynda ornalasqan qalanyń bas josparymen tanysty. Sodan keıin olar aımaqtyń kórnekti jerlerin, onyń ishinde ortalyq alańdy, «Saatly» meshitin, taý qyratyndaǵy «Djydyr dıýzıý» alańyn, «Bıýl-Bıýl» murajaı-úıin, jalpyulttyq kóshbasshy Geıdar Álıevtiń 100 jyldyǵyna oraı uıymdastyrylǵan fotokórmeni jáne taǵy da basqa tarıhı oryndardy aralap kórdi.
Shýsha shahary ejelden ázerbaıjan mádenıetiniń altyn besigi sanalǵan. Qala zamanynda gúldenip, poezııa, kórkemóner jáne sáýlet óneri damyǵan ortalyq bolǵan.
Búginde munda ınfraqurylym salý jáne qalpyna keltirý jumystary qarqyndy júrip jatyr. Qazirdiń ózinde birneshe qonaq úı, mýzeı jáne meshitter boı kótergen. Turǵyn úıler, bilim berý mekemeleri, áleýmettik nysandar, shirkeýler salynyp, jóndelýde. Sonymen qatar túrli sala mamandarynyń qatysýymen nysandardy baǵalaý jáne túgendeý jumystary júrgizilip jatyr.
