Qasym-Jomart Toqaev pen Gýrbangýly Berdimuhamedov ónerkásip kórmesin aralap kórdi
ASTANA. KAZINFORM - Qazaqstan Prezıdenti men Túrikmenstan Halk Maslahatynyń Tóraǵasy SPK Turkistan ındýstrıaldy parkine bardy, dep habarlaıdy Aqordanyń bapasóz qyzmeti.
Qazirgi tańda munda jalpy quny 36,5 mıllıard teńge bolatyn 6 ınvestıtsııalyq joba júzege asyrylyp jatyr. Jańbyrlatyp jáne tamshylatyp sýarý júıeleriniń, aýyl sharýashylyǵy traktorlary, bilim men medıtsına mekemelerine arnalǵan jıhazdar, esikter jáne óndiristik tońazytqyshtar óndirisi jolǵa qoıylǵan.
Óndiris parkin damytýdyń kelesi kezeńinde 70 gektar aýmaqqa 112 ǵımarat salý, sondaı-aq jalpy somasy 39,7 mıllıard teńge bolatyn 13 jańa jobany iske qosý josparlanǵan.
Qasym-Jomart Toqaev pen Gýrbangýly Berdimuhamedov ǵarysh salasynda, mashına jasaý, metallýrgııa, qurylys ındýstrııasy, jeńil, tamaq jáne hımııa ónerkásibinde qyzmet etetin qazaqstandyq óndirýshilerdiń kórmesimen tanysty.
Ekspozıtsııaǵa otandyq kásiporyndar shyǵaratyn avtokólikter, aýyl sharýashylyǵy tehnıkalary, turmystyq tehnıka, medıtsınalyq qurylǵylar, óndiristik akkýmýlıatorlar, jıhazdar, tekstıl, kıim jáne taǵy da basqa taýar túrleri qoıylǵan.
Qasym-Jomart Toqaev pen Gýrbangýly Berdimuhamedov otandyq kásiporyndardyń ókilderimen birge sýretke tústi.
Osyǵan deıin Qasym-Jomart Toqaev Gýrbangýly Berdimuhamedovpen beıresmı kezdesý ótkizgeni týraly jazdyq.