Tramp Walmart, Target, Home Depot basshylarymen tarıf máselesin talqylady

ASTANA.KAZINFORM - Donald Tramp Aq úıge iri tarıfterdiń bızneske áserin talqylaý úshin kelgen úsh iri saýda jelisiniń basshylarymen kezdesti, dep habarlaıdy NBC News.

Jıynǵa Walmart bas dırektory Dag Makmıllon, Target bas dırektory Braıan Kornell jáne Home Depot bas dırektory Ted Deker qatysty.

Kezdesýden keıin úsh kompanııa «prezıdent Tramppen jáne onyń komandasymen nátıjeli kezdesý ótkizdik» degen málimdeme jasady.

Bólshek saýdagerler úshin tarıfter onsyz da qıyn ekonomıkalyq jaǵdaıda jańa qaýipke aınaldy. Walmart básekelesterine qaraǵanda jaqsy jaǵdaıda ekeni aıtyldy. Walmart AQSh-ta satatyn taýarlardyń shamamen úshten ekisi Amerıkada jasalady, ósiriledi nemese qurastyrylady.

Bul satýshy taýarlardy negizinen shetelden satyp alady. Target-tiń jyldyq kirisi sońǵy tórt jylda is júzinde birkelki boldy jáne tarıfter jarııalanǵanǵa deıin kompanııa aǵymdaǵy qarjy jylynda satylym ósimin nebári 1% quraıdy dep boljaǵan bolatyn.

Buǵan deıin joǵary tarıfter AQSh-ta retsessııaǵa ákelýi múmkin ekeni habarlanǵan bolatyn.