Qasym-Jomart Toqaev pen Donald Tramp erkin formatta áńgimelesti
VAShINGTON. KAZINFORM — Resmı kezdesýden keıin Qasym-Jomart Toqaev pen Donald Tramp erkin formatta áńgimelesti, dep habarlaıdy Aqordanyń baspasóz qyzmeti.
— Aq úıdiń irgesinde turyp, jańadan salynyp jatqan saltanat saraıynyń qurylysyn kórdi, — delingen aqparatta.
Aıta keteıik, Memleket basshysy Qasym-Jomart Toqaev pen AQSh Prezıdenti Donald Tramp kezdesýiniń nátıjesi jarııalandy. Aq úıdegi kezdesýde Memleket basshysy Vashıngtonǵa saparmen kelýge shaqyrǵany jáne qazaqstandyq delegatsııaǵa kórsetken qonaqjaı kóńili úshin AQSh Prezıdentine rızashylyq bildirdi.
Sondaı-aq Qazaqstan men AQSh prezıdentteri Benıamın Netanıahýmen telefon arqyly sóılesti.
AQSh Prezıdenti Donald Tramp Qazaqstan Ibrahım kelisimine qosylǵan birinshi el ekenin atap ótti.
Memleket basshysy AQSh-qa sapary barysynda The Washington Post jáne The New York Times sekildi amerıkalyq tanymal basylymdarǵa suhbat berdi.