Qasym-Jomart Toqaev pen Abý Dabıdiń Taq murageri «Astana» halyqaralyq qarjy ortalyǵyna bardy
ASTANA. KAZINFORM – Qasym-Jomart Toqaev pen sheıh Haled ben Muhammed ben Zaıd Ál Nahaıan «Astana» halyqaralyq qarjy ortalyǵyna bardy. Bul týraly Aqordanyń baspasóz qyzmeti habarlady.
Mártebeli meımandar Qarjy ortalyǵynyń jetistikterimen tanysty. Sondaı-aq AHQO Soty, Qarjy qyzmetin retteý komıteti, bırja jáne Halyqaralyq tórelik ortalyǵynyń erekshelikteri kórsetildi.
AHQO basqarýshysy Renat Bekturov Qazaqstan Prezıdenti men Abý Dabıdiń Taq muragerine ınvestıtsııalyq yntymaqtastyqty damytý múmkindikteri jóninde málimet berdi.
Búgingi tańda Birikken Arab Ámirlikteriniń 46 kompanııasy AHQO rezıdenti retinde tirkelgen. Olar qarjy jáne saqtandyrý, aqparattyq-kommýnıkatsııalyq tehnologııa, saýda, kólik, óńdeý jáne taý-ken ónerkásibi sekildi túrli salada qyzmet etedi.
Budan bólek, Qazaqstan men BAÁ kapıtal naryǵy arasynda baılanys nyǵaıyp keledi. Máselen, bıyl 7 mamyrda Nasdaq Dubai jáne Astana International Exchange (AIX) bırjalary ortalyq depozıtarııleriniń arasynda tikeleı baılanys ornaǵanyn jarııalady.
Byltyr AIX Abý Dabı bırjasy (ADX) qurǵan Tabadul tsıfrlyq bırja habyna qosyldy.
Memleket basshysy Abý Dabıdiń Taq murageri Haled ben Muhammed Ál Nahaıanmen kelissóz júrgizdi.
Qazaqstan Prezıdenti men Abý Dabıdiń Taq murageri sheıh Halıf ben Zaıd Ál Nahaıan atyndaǵy №84 mektep-lıtseıge bardy.