Toqaev pen Mırzıeev Buharadaǵy ýaǵdalastyqtardy iske asyrýdy talqylady
ASTANA. KAZINFORM — Memleket basshysy Qasym-Jomart Toqaev Ózbekstan Prezıdenti Shavkat Mırzıeevpen telefon arqyly sóılesti. Bul týraly Aqordanyń baspasóz qyzmeti habarlady.
Áńgimelesý barysynda kóshbasshylar qazaq-ózbek qarym-qatynasy joǵary qarqynmen damyp kele jatqanyn atap ótti.
Prezıdentter ózara yqpaldastyqty odan ári nyǵaıtý, bıyl sáýir aıynda Buhara qalasynda ótken memleketter basshylary kezdesýinde qol jetkizilgen ýaǵdalastyqtardy naqty iske asyrý máselelerin talqylady.
Prezıdent ákimshilikteri, úkimetter men salalyq vedomstvolar arasyndaǵy baılanystardyń jandanýy ekijaqty yntymaqtastyqty dáıekti túrde damytý jáne birlesken jobalardy ilgeriletý úshin óte mańyzdy ekenine nazar aýdaryldy.
Taraptar óńirlik jáne halyqaralyq kún tártibiniń negizgi máseleleri jóninde pikir almasyp, aldaǵy ortaq is-sharalardyń kestesin qarastyrdy.
