Qasym-Jomart Toqaev Shavkat Mırzıeevpen birge Túrkistandaǵy jańa meshitti aralady
TÚRKІSTAN. KAZINFORM – Qasym-Jomart Toqaev pen Shavkat Mırzıeev Qazaqstan men Ózbekstan arasyndaǵy baýyrlastyq baılanys jáne rýhanı yntymaqtastyq nyshany retinde Túrkistanda boı kótergen meshitpen tanysty, dep habarlaıdy Aqorda.
Qulshylyq úıiniń ortalyq zalynda Quran oqyldy.
Meshit Ózbekstan Prezıdentiniń Túrkistan turǵyndary men barsha qazaqstandyqtarǵa tartýy retinde salynǵan.
Ǵımaratta dástúrli ıslam elementteri zamanaýı qurylys tehnologııalarymen úılesim tapqan. Qasbeti men ishki aýmaǵy ulttyq oıý-órnekpen jáne musylman kallıgrafııasymen bezendirilgen. Munaralardyń bıiktigi – 61 metr.
Ǵıbadat orny jańa ınjenerlik jelilermen jabdyqtalǵan. Sondaı-aq abattandyrylǵan aýmaqta jaryqtandyrý júıeleri, demalys aımaqtary, sýburqaqtar bar.
Aıta keteıik, Prezıdent TMU beıresmı sammıtine qatysý úshin Túrkistan qalasyna barǵan bolatyn.
Sodan soń Ózbekstan men Qyrǵyzstan prezıdenti Túrkistanǵa barǵany habarlandy.
