Qasym-Jomart Toqaev qazaqstandyqtardy Oraza aıt merekesimen quttyqtady
ASTANA. KAZINFORM – Bul týraly Aqordanyń baspasóz qyzmeti habarlady.
Memleket basshysy Qasym-Jomart Toqaevtyń Oraza aıt merekesimen quttyqtaýy
Qadirli otandastar!
Oraza aıt merekesi qutty bolsyn!
Bul – búkil musylman qaýymy úshin mán-mańyzy erekshe, qasıetti mereke. Osy meıramda rýhanı tazarý men parasattylyq, sabyrlyq pen qanaǵatshyldyq, ózara syılastyq pen tilektestik, janashyrlyq pen jaqsylyq qundylyqtary dáripteledi.
Otyz kún oraza tutqan jurt ımanyn baıytyp, kemeldikke umtylady. Tózimin shyńdap, tóńiregine qamqorlyq tanytady. Igi isterge uıytqy bolyp, muqtaj jandarǵa qol ushyn sozady.
Ata dástúrimiz ben asyl dinimiz eldiń birligin nyǵaıtyp, qoǵamnyń berekesin arttyratyn ıgi amaldar jasaýǵa úndeıdi.
Bıyl Oraza aıt meıramy Naýryz merekesimen qatar kelip, el damýyndaǵy jańa tarıhı kezeńniń jarshysyna aınaldy. Munyń sımvoldyq máni zor.
Qazaqstan halqy Jańa Ata zańdy qabyldap, jarqyn bolashaqqa, Ádilettilik pen Órkendeýge bastaıtyn joldy tańdady. Konstıtýtsııalyq reformany jappaı qoldaý arqyly ult tarıhynyń jańa paraǵyn ashty.
Barshańyzǵa zor densaýlyq, baq-bereke, tolaıym tabys tileımin!
Elimiz aman, jerimiz tynysh bolsyn!
Oraza aıt qabyl bolsyn!
