One Water sammıti: Qasym-Jomart Toqaev ortaq sýretke túsý rásimine qatysty
ASTANA. KAZINFORM — Memleket basshysy Qasym-Jomart Toqaev One Water sammıtine qatysýshylarmen birge sýretke túsý rásimine qatysty. Bul týraly Aqordanyń baspasóz qyzmeti málim etti.
Memleket basshysy Qasym-Jomart Toqaev One Water sammıtine qatysý úshin Saýd Arabııasyna jumys saparymen bardy.
Halyqaralyq forým Qazaqstan men Frantsııanyń tóraǵalyǵymen, Saýd Arabııasy jáne Dúnıejúzilik bank tobynyń qoldaýymen ótedi.
Memleket basshysy Qasym-Jomart Toqaev One Water sammıti aıasynda Dúnıejúzilik bank tobynyń prezıdenti Adjaı Bangamen kezdesti.
Memleket basshysy elimizdiń Dúnıejúzilik bankpen strategııalyq seriktestiginiń mánin erekshe atap ótti. Prezıdenttiń aıtýynsha, búginde qarjy ınstıtýtymen birlese sý resýrstary, kólik jáne bilim berý salalarynda jalpy quny 3,5 mıllıard dollar bolatyn bes iri joba júzege asyrylyp jatyr.
Memleket basshysy Dúnıejúzilik banktiń Kólik joldarynyń ornyqtylyǵy men baılanysyn jetildirý baǵdarlamasy (TRACE) sheńberinde atqarylatyn qazaqstandyq jobaǵa 650 mıllıon dollar kóleminde qarjy bólý týraly sheshimin quptady. Bul rette Qasym-Jomart Toqaev Orta dálizdi damytýǵa, atap aıtqanda, Jezqazǵan — Qaraǵandy avtomagıstraliniń qurylysyna salynatyn ınvestıtsııanyń strategııalyq mańyzyna nazar aýdardy.
