Qasym-Jomart Toqaev jumys saparymen Nıý-Iorkke barady

ASTANA. KAZINFORM - Memleket basshysy Qasym-Jomart Toqaev 21-23 qyrkúıek kúnderi Nıý-Iork qalasyna jumys saparymen barady, dep habarlaıdy Aqordanyń baspasóz qyzmeti.

Prezıdent BUU Bas Assambleıasynyń 80-shi sessııasyna qatysyp, birqatar memlekettiń jáne halyqaralyq uıymdardyń basshylarymen kelissóz júrgizedi.

Sapar aıasynda AQSh-tyń iri bıznes ókilderimen dóńgelek ústel uıymdastyrylady. Sondaı-aq álemdik jetekshi kompanııalardyń basshylarymen kezdesý josparlanyp otyr.

Osyǵan deıin Memleket basshysy Qazaqstan boks federatsııasynyń prezıdenti Shahmurat Mútálipti qabyldaǵany týraly jazdyq.