Qasym-Jomart Toqaev Nursultan Nazarbaevty týǵan kúnimen quttyqtady
ASTANA. KAZINFORM — Memleket basshysy Tuńǵysh Prezıdentke myqty densaýlyq, uzaq ǵumyr jáne baq-bereke tiledi, dep habarlaıdy Aqordanyń baspasóz qyzmeti.
Memleket basshysy quttyqtaýynda Tuńǵysh Prezıdenttiń zamanaýı qazaq memlekettiliginiń negizin qalaý, Qazaqstan Respýblıkasyn qurý, elimizdiń ekonomıkalyq áleýetin nyǵaıtý jáne halyqaralyq arenadaǵy orny men bedelin bekemdeý jolyndaǵy tarıhı mıssııasyn atap ótti.
Qasym-Jomart Toqaev, sondaı-aq Nursultan Nazarbaevtyń elordany Astanaǵa kóshirý týraly sheshiminiń mańyzy aıryqsha ekenine toqtaldy.
— Elordanyń Saryarqa tósine kóshirilýi Qazaqstannyń jan-jaqty órkendeýine tyń serpin berdi. Búginde Astana qaryshtap damyp, álemdegi kórikti shahardyń birine aınalyp keledi, — delingen quttyqtaýda.
Buǵan deıin Aqordanyń baspasóz qyzmeti Memleket basshysy Qasym-Jomart Toqaevtyń Astana kúnine arnalǵan quttyqtaýyn jarııalady.
