Qasym-Jomart Toqaev Nursultan Nazarbaevty mereıtoıymen quttyqtady
ASTANA. KAZINFORM – Memleket basshysy Qazaqstannyń Tuńǵysh Prezıdenti Nursultan Nazarbaevty 85 jasqa tolýymen quttyqtady. Bul týraly Aqordanyń baspasóz qyzmeti habarlady.
Qasym-Jomart Toqaev jedelhatta mereıtoı ıesiniń tarıhı róline toqtalyp, onyń jańa dáýirdegi qazaq memlekettiliginiń bastaýynda turǵanyn jáne Qazaqstan Respýblıkasynyń qalyptasýy men damýyna zor úles qosqanyn jazǵan.
Sondaı-aq Memleket basshysy Tuńǵysh Prezıdenttiń Qazaqstan astanasyn kóshirý týraly sheshimi el ekonomıkasyn órkendetýge jáne memlekettiń halyqaralyq bedelin nyǵaıtýǵa aıryqsha yqpal etkenin atap ótken.
Qasym-Jomart Toqaev Nursultan Nazarbaevtyń denine saýlyq tiledi.
Eske sala keteıik, buǵan deıin Memleket basshysynyń Aljır Prezıdenti men otandastaryn Táýelsizdik kúnimen quttyqtaǵanyn jazǵan edik.