Qasym-Jomart Toqaev Nıkýshor Dandy Rýmynııanyń ulttyq merekesimen quttyqtady

ASTANA. KAZINFORM — Memleket basshysy Rýmynııa Prezıdentine quttyqtaý jedelhatyn joldady, dep habarlaıdy Aqordanyń baspasóz qyzmeti.

Prezıdent Toqaev Nıkýshor Dandy Rýmynııanyń ulttyq merekesi — Birigý kúnimen quttyqtap, rýmyn halqyna qut-bereke tiledi.

— Prezıdent jedelhatynda eki el arasyndaǵy saıası dıalogtyń, ekonomıkalyq jáne mádenı yntymaqtastyqtyń aıasy keńeıip kele jatqanyn atap ótip, san qyrly yqpaldastyq qos halyqtyń ıgiligi jolynda nyǵaıa beretinine senim bildirgen. Qasym-Jomart Toqaev Nıkýshor Dannyń jaýapty qyzmetine tolaıym tabys, al rýmyn halqyna qut-bereke tiledi, — delingen habarlamada.

Budan buryn Prezıdent Sadyr Japarovty Jogorký Kenesh saılaýynyń tabysty ótýimen quttyqtaǵanyn jazǵan edik.