Qasym-Jomart Toqaev Nıkol Pashınıandy saılaýdaǵy jeńisimen quttyqtady
ASTANA. KAZINFORM – Memleket basshysy Armenııa Premer-mınıstri Nıkol Pashınıandy «Azamattyq kelisim» partııasynyń parlamenttik saılaýdaǵy jeńisimen quttyqtady. Bul týraly Aqordanyń baspasóz qyzmeti habarlady.
Kóptegen halyqaralyq baıqaýshynyń aldyn ala málimetinshe, saılaý eldiń qoldanystaǵy saılaý týraly zańnamasyna saı, ashyq ári azamattardyń erkin bildirýine tıisti jaǵdaı jasala otyryp ótken.
Qasym-Jomart Toqaev Nıkol Pashınıannyń Armenııa eliniń uzaqmerzimdi ulttyq múddesi jolyndaǵy qyzmette tabysqa jete berýine tilektestik bildirdi.
Prezıdent Qazaqstan dostas Armenııamen barlyq salada ózara múddege saı belsendi yntymaqtastyqty jalǵastyrýǵa daıyn ekenin atap ótti.
Qasym-Jomart Toqaev armıan halqyna memlekettilikti damytýda sáttilik, beıbitshilik pen baq-bereke tiledi.
Aıta keteıik, buǵan deıin Memleket basshysy Shvetsııa Koroli XVI Karl Gýstavty Ulttyq kúnmen quttyqtaǵan edi.
