Qasym-Jomart Toqaev Natalıa Bocharovany qabyldady
ASTANA. KAZINFORM - Aqordada Prezıdent Qasym-Jomart Toqaev Halyqaralyq orys tili uıymynyń bas hatshysy Natalıa Bocharovamen kezdesti, dep habarlaıdy Aqordanyń baspasóz qyzmeti.
Memleket basshysy Uıymnyń gýmanıtarlyq baılanystardy nyǵaıtýǵa baǵyttalǵan zamanaýı, bedeldi ári tıimdi qurylym retinde qalyptasýy asa ózekti ekenin atap ótti.
Áńgimelesý barysynda bilim, ǵylym jáne mádenıet salalaryndaǵy yntymaqtastyq perspektıvasy talqylandy. Qasym-Jomart Toqaev birlesken jobalardy júzege asyrý kezinde Uıymǵa múshe barlyq elderdiń múddesine teń qaraýdyń mańyzyna nazar aýdardy. Prezıdenttiń paıymdaýynsha, til saıasılandyratyn másele emes, kerisinshe adamdardy biriktirýge, ózara túsinistikke qyzmet etýge tıis.
Natalıa Bocharova Uıym qyzmetine qoldaý kórsetkeni úshin Memleket basshysyna alǵys aıtyp, aldaǵy damý jospary týraly málimet berdi.
Osyǵan deıin Memleket basshysy Qasym-Jomart Toqaev Serdar Berdimuhamedovti týǵan kúnimen quttyqtady.
