Qasym-Jomart Toqaev Muhammed ben Zaıd Ál Nahaıanǵa hat joldady
ASTANA. KAZINFORM – Qasym-Jomart Toqaev Birikken Arab Ámirlikteriniń Prezıdenti sheıh Muhammed ben Zaıd Ál Nahaıanǵa hat joldady. Bul týraly Aqorda habarlady.
Memleket basshysy hatynda Taıaý Shyǵystaǵy qazirgi kúrdeli ahýal kezinde Birikken Arab Ámirlikterine qoldaýy men tilektestigin jetkizdi.
Qasym-Jomart Toqaev sheıh Muhammed ben Zaıd Ál Nahaıannyń tegeýrindi, parasatty ári kóregen basshylyǵymen BAÁ qaýip-qaterdi eńserip, qarqyndy strategııalyq damý baǵdaryn jalǵastyratynyna senim bildirdi.
Qazaqstan Prezıdenti dıplomatııa jáne syndarly dıalog uzaqmerzimdi beıbitshilik pen turaqtylyqqa qol jetkizýdiń eń senimdi quraly ekenin taǵy da atap ótti.
Memleket basshysynyń bul haty ózara senimniń joǵary deńgeıin, yntymaqtastyqtyń strategııalyq sıpatyn jáne Qazaqstan men Birikken Arab Ámirlikteri halyqtarynyń arasyndaǵy shynaıy baýyrlastyq qarym-qatynasty rastaıtynyn kórsetedi.
