Qasym-Jomart Toqaev MIFI rektory Vladımır Shevchenkomen kezdesti
ASTANA. KAZINFORM – Memleket basshysy «Máskeý ınjenerlik-fızıkalyq ınstıtýty» ulttyq ıadrolyq zertteý ýnıversıtetiniń rektory Vladımır Shevchenkomen áńgimelesý barysynda elimiz úshin ıadrolyq energetıkanyń strategııalyq mańyzy zor ekenin atap ótti.
Memleket basshysy Qazaqstanda «Rosatom» bastaǵan halyqaralyq konsortsıýmnyń qatysýymen alǵashqy AES qurylysyn júrgizý qolǵa alynǵanyna toqtaldy. Budan bólek, taǵy birneshe stansa salý josparlanyp otyr.
2022 jyly Almatyda MIFI fılıaly ashyldy. Oqý ornynan alǵashqy magıstrler túlep ushty.
Prezıdenttiń pikirinshe, bul ıadrolyq energetıka salasynda biliktiligi joǵary maman daıarlaýǵa septigin tıgizedi.
MIFI ıadrolyq ǵylymdy damytýda jáne atom mamandaryn daıarlaýda álemdegi jetekshi ortalyqtardyń biri retinde tanylǵan.
Osyǵan deıin Memleket basshysy Beıjiń Til jáne mádenıet ýnıversıtetiniń prezıdentin qabyldaǵan bolatyn.