Qasym-Jomart Toqaev Majarstan Prezıdentin Aqordada qarsy aldy
ASTANA. KAZINFORM — Aqordada Memleket basshysy Qasym-Jomart Toqaev elimizge resmı saparmen kelgen Majarstan Prezıdenti Tamash Shýıokty qarsy aldy.
Aldymen Qasym-Jomart Toqaev pen Tamash Shýıok bir-birine resmı delegatsııa múshelerin tanystyrdy.
Osydan keıin mártebeli meımannyń saparyna oraı saltanatty rásimder zalynda sap túzegen qurmet qaraýylynyń bastyǵy Memleket basshylaryna sálemdik baıanat berdi.
Prezıdent orkestri eki eldiń memlekettik Ánuranyn oryndady.
Ánurandardy tyńdap bolǵannan keıin Qasym-Jomart Toqaev pen Majarstan Prezıdenti kilemshe boıymen Qazaqstan Respýblıkasynyń Memlekettik Týyna qaraı júrdi.
Onyń aldyna kelgende meıman toqtap, basyn sál ıip, óziniń qurmetin bildirdi. Sonan soń Memleket basshylary qurmetti qaraýyl sapynyń boıymen júrdi. Qurmetti qaraýyl bastyǵymen qoshtasty.
Aıta keteıik, qazirgi ýaqytta eki el basshylary kelissóz júrgizip jatyr. Onyń barysynda Qazaqstan men Majarstan arasyndaǵy strategııalyq seriktestikti nyǵaıtý perspektıvasy talqylanady.
Esterińizge sala ketsek, búgin Qasym-Jomart Toqaev pen Tamash Shýıok Digital Bridge 2025 halyqaralyq forýmynyń plenarlyq otyrysyna qatysty.