Qasym-Jomart Toqaev: «Máńgilik dostyq — halyqtarymyzǵa jol silter temirqazyq»

ASTANA. KAZINFORM — Prezıdent Qasym-Jomart Toqaevtyń Reseı Federatsııasyna memlekettik sapary qarsańynda «Rossııskaıa gazeta» basylymynda «Vechnaıa drýjba – pýtevodnaıa zvezda dlıa nashıh narodov» atty maqalasy jaryq kórdi.

- Qazaqstan men Reseı - odaqtas memleketter jáne strategııalyq áriptester. Tarıhtyń ózi bizdiń myzǵymas dostyǵymyzdy, barlyq saladaǵy keń aýqymdy yntymaqtastyqty jáne gýmanıtarlyq saladaǵy tyǵyz yntymaqtastyqty aldyn ala belgilep berdi, - dep bastalady Prezıdent maqalasy.

Qasym-Jomart Toqaev Qazaqstan men Reseıdiń qarym-qatynasy jan-jaqty strategııalyq áriptestik pen odaqtastyq deńgeıine kóterilip kele jatqanyna nazar aýdarady. Astana men Máskeý arasyndaǵy qarym-qatynas eýrazııalyq keńistiktegi kóptegen irgeli protsesterge sheshýshi yqpal etetinin atap ótedi.

Buǵan deıin habarlanǵanyndaı, Prezıdent Qasym-Jomart Toqaev 11-12 qarashada Reseı Federatsııasyna memlekettik saparmen barady. 

Memleket basshysy Prezıdent Vladımır Pýtınmen kelissózder júrgizedi.

Sondaı-aq Oral qalasynda ótetin HHІ Qazaqstan men Reseı óńiraralyq yntymaqtastyq forýmynyń plenarlyq sessııasyna beınebaılanys arqyly qatysady.

Sapar aıasynda birqatar ekijaqty mańyzdy qujatqa qol qoıý josparlanyp otyr.