Qasym-Jomart Toqaev Qostanaı oblysyn eldiń sarqylmys qoryna teńedi
Qostanaı oblysy eldiń azyq-túlik qaýipsizdigin qamtamasyz etýge eleýli úles qosady. Bul týraly Qazaqstan men Reseıdiń XIX Óńiraralyq yntymaqtastyq forýmynda Memleket basshysy Qasym-Jomart Toqaev aıtty, dep habarlaıdy Kazinform.
«Bizdiń búgingi aýyl sharýashylyǵyna arnalǵan forýmnyń Qazaqstannyń naǵyz sarqylmas qorynda ótip jatýynyń sımvoldyq máni bar. Qostanaı oblysy eldiń azyq-túlik qaýipsizdigin qamtamasyz etýge eleýli úles qosady. Bul, onyń ishinde, Qazaqstanda tyń jerlerdi ıgerýdiń bastalýynyń arqasynda oryn aldy. Kelesi jyly naýqan bastalǵanyna 70 jyl tolady. Ótken jyly Qazaqstan men Reseı arasyndaǵy aýyl sharýashylyǵy ónimderiniń taýar aınalymy tórtten birge artyp, 3,6 mlrd dollardy qurady», - dedi Qasym-Jomart Toqaev.
Memleket basshysynyń atap ótýinshe, eki eldiń áleýeti munan da joǵary.
«Elderimiz agroónerkásiptik keshen salasyndaǵy saýda men ózara tıimdi kooperatsııalardy keńeıtý úshin zor múmkindikterge ıe. Qazaqstan men Reseıdiń iri aýyl sharýashylyǵy taýralaryn óndirýshilerdiń biri ekendigin jáne astyq eksporty boıynsha álemdik kóshbasshylardyń ondyǵan kiretindigin aıtsaq ta jetkiliki. Búkil álemdegi egistik jerlerdiń 10 paıyzǵa jýyǵy jáne jaıylymdar men shabyndyqtardyń 9 paıyzy eki eldiń úlesine tıesili», - dedi Prezıdent.
