Qasym-Jomart Toqaev Qostanaı qalasyndaǵy dene shynyqtyrý-saýyqtyrý keshenin aralap kórdi
QOSTANAI. KAZINFORM — Memleket basshysy Qostanaı oblysyna barǵan jumys sapary aıasynda Qostanaı qalasyndaǵy dene shynyqtyrý-saýyqtyrý keshenin aralap kórdi. Bul týraly Aqordanyń baspasóz qyzmeti málim etti.
«ıÝbıleınyı» shaǵyn aýdanynda ornalasqan nysan jaqynda paıdalanýǵa berilgen. Munda jergilikti turǵyndar sporttyń shaǵyn fýtbol, basketbol, voleıbol jáne ústel tennısi sııaqty túrlerimen emin-erkin aınalysa alady. Sondaı-aq ortalyqta jattyǵý jáne horeografııa zaldary jumys isteıdi. Erekshe qajettiligi bar jandarǵa tıisti jaǵdaı jasalǵan», - delingen habarlamada.
Qostanaı qalasynyń ákimi Marat Júndibaev Prezıdentke oblys ortalyǵynda buqaralyq sportty damytý sharalary týraly málimet berdi. Onyń aıtýynsha, qala turǵyndaryna dene shynyqtyrý nysandarynyń qoljetimdiligin qamtamasyz etýge basa nazar aýdarylady.
Memleket basshysy keshendegi zaldardy aralap kórip, jergilikti turǵyndarmen jáne jas sportshylarmen áńgimelesti.
