Qasym-Jomart Toqaev Belgııa Korolin eldiń Ulttyq kúnimen quttyqtady
ASTANA. KAZINFORM — Prezıdent Belgııanyń Ulttyq kúnine oraı Korol Fılıppke quttyqtaý jedelhatyn joldady.
Aqordanyń habarlaýynsha, Memleket basshysy bul Belgııa halqynyń birligin aıshyqtaıtyn aıtýly kún ekenin atap ótti.
Qasym-Jomart Toqaev jedelhatta Qazaqstannyń Belgııa Koroldigimen dostyq qarym-qatynasty odan ári nyǵaıtýǵa aıryqsha mán beretinin aıtqan.
Sondaı-aq jaqynda Brıýsselge jasaǵan sapary ekijaqty yntymaqtastyqqa tyń serpin bergenine nazar aýdarǵan.
Prezıdent Korol Fılıpptiń barlyq ıgi bastamasyna tabys, al dostas Belgııa halqyna baq-bereke tiledi.
Eske salaıyq, buǵan deıin Qazaqstan Prezıdenti Korol VI Felıpe men barsha ıspan halqyn Ispanııa ulttyq quramasynyń fýtboldan álem birinshiligindegi jarqyn jeńisimen jáne eki dúrkin álem chempıony atanýymen quttyqtaǵanyn jazǵanbyz.
