Qasym-Jomart Toqaev kólik jáne logıstıka sektoryndaǵy keń múmkindikterge toqtaldy

NЬıÝ-IORK. KAZINFORM — Prezıdent Amerıkanyń bıznes ókilderimen ótken «dóńgelek ústel» otyrysynda sóz sóıledi. Ol Transkaspıı halyqaralyq kólik baǵdaryn damytýdyń keleshegi zor ekenine nazar aýdardy.

Bul týraly Aqordanyń baspasóz qyzmeti málim etti.

Memleket basshysynyń sózinshe, Wabtec kompanııasymen jasalǵan jańa kelisim elimizdiń AQSh-pen kólik salasyndaǵy yntymaqtastyǵyn aıtarlyqtaı nyǵaıtady.

— Biz Wabtec kompanııasynyń elimizdegi mashına jasaý jáne temirjol kóligi salalaryn ilgeriletýdegi negizgi rólin joǵary baǵalaımyz. Qazaqstan atalǵan kompanııamen seriktese otyryp, fızıkalyq jelilerdi ǵana emes, úlken derekqorǵa negizdelgen ıntellektýaldy, ıntegratsııalanǵan kólik dálizderin de quryp jatyr. Búgin Wabtec kompanııasymen 4 mıllıard dollarǵa jýyq qarjynyń jańa kelisimine qol qoıyldy. Bul elimizdiń AQSh-pen kólik salasyndaǵy yntymaqtastyǵyn aıtarlyqtaı nyǵaıtady. Air Astana jáne SCAT sııaqty aldyńǵy qatarly áýe kompanııalary Boeing ushaqtaryn paıdalanady. Azamattyq avıatsııa parkimizdiń negizi osy ushaqtardan quralǵan. Biz Boeing kompanııasymen yntymaqtastyqty keńeıtýge jáne taıaý jyldary jańa ushaqtar alýǵa nıettimiz, — dedi Qasym-Jomart Toqaev.

Aıta keteıik, Memleket basshysynyń Nıý-Iork qalasyna resmı sapary aıasynda AQSh Saýda mınıstri Govard Latnıktiń qatysýymen amerıkalyq Wabtec kompanııasymen jalpy somasy 4,2 mıllıard dollar bolatyn kelisimge qol qoıý rásimi ótti.

Buǵan deıin AQSh prezıdenti Donald Tramp Qazaqstannyń Memleket basshysyn tarıhı kelisimmen quttyqtaǵanyn jazǵan edik.