Qasym-Jomart Toqaev Qyzylorda oblysy ákiminiń jumysyn oń baǵalady

ASTANA. KAZINFORM — Qyzylordada 500 oryndyq emhana jáne 200 oryndyq perzenthana salynady. Bul týraly Memleket basshysy Qasym-Jomart Toqaev Qyzylorda qalasynda ótip jatqan Ulttyq quryltaıdyń V otyrysynda aıtty.

— Qazir Qyzylorda oblysynda ásirese áleýmettik salada jaqsy jańalyq kóp. 3 jylda osy aımaqta 34 bilim berý, 45 mádenıet jáne sport nysany salyndy. Buǵan qosa, 40 medıtsına nysany ashyldy. Meniń tapsyrmammen Qyzylordada 300 orynǵa arnalǵan kópbeıindi aýrýhana qurylysy bastaldy. Kóp uzamaı 500 oryndyq emhana jáne 200 oryndyq perzenthana salynady. Bir sózben aıtqanda Qyzylorda oblysy barlyq salada qarqyndy damýda. Oblystyń jaǵdaıy jalpy jaqsy dep kúmánsiz aıtýǵa bolady. Bul ákim Nurlybek Nálibaevtyń belsendi, tabandy jumysynyń nátıjesi, — dedi Qasym-Jomart Toqaev.

Osyǵan deıin Prezıdent Qyzylorda shaharynyń tarıhı mán-mańyzy aıryqsha ekenin aıtty.