Qasym-Jomart Toqaev Qytaı Halyq Respýblıkasyna resmı saparmen bardy
Memleket basshysyn Qurmet qaraýyly sap túzegen Beıjiń áýejaıynda QHR Ónerkásip jáne aqparat mınıstri Tszın Chjýanlýn jáne basqa da laýazymdy tulǵalar saltanatpen qarsy aldy, dep habarlaıdy Kazinform Aqordanyń baspasóz qyzmetine silteme jasap.
Eki kúndik resmı sapar barysynda Prezıdent Qasym-Jomart Toqaev QHR Tóraǵasy Sı Tszınpınmen, QHR Memlekettik keńesiniń Premeri Lı Tsıanmen jáne Búkilqytaılyq halyq ókilderi jınalysy Turaqty komıtetiniń tóraǵasy Chjao Letszımen kelissózder júrgizedi, sondaı-aq joǵary deńgeıdegi «Bir beldeý, bir jol» bastamasynyń III forýmyna qatysady.
Sonymen qatar Qasym-Jomart Toqaev Beıjiń Til jáne mádenıet ýnıversıtetiniń aýmaǵynda ornatylǵan Ábý Nasyr Ál-Farabı bıýstin saltanatty túrde ashady.
Budan bólek, sapar aıasynda Qytaıdyń iri kompanııalary basshylarymen birqatar kezdesý ótkizedi.
