Qasym-Jomart Toqaev ShYU jıyndaryna qatysý úshin Bishkekke bardy
BІShKEK. KAZINFORM - Qasym-Jomart Toqaev Qyrǵyzstan Prezıdenti Sadyr Japarovtyń shaqyrýymen Shanhaı yntymaqtastyq uıymyna múshe memleketter basshylary keńesiniń 26-otyrysyna jáne «ShYU+» formatyndaǵy kezdesýge qatysý úshin Bishkek qalasyna jumys saparymen bardy, dep habarlaıdy Aqordanyń baspasóz qyzmeti.
Sonymen qatar Memleket basshysy VI Dúnıejúzilik kóshpendiler oıyndarynyń resmı ashylý saltanatyna qatysady.
Qazaqstan Prezıdentin «Manas» áýejaıynan Qyrǵyzstan Mınıstrler kabınetiniń tóraǵasy – Prezıdent Ákimshiliginiń basshysy Adylbek Qasymalıev qarsy aldy.
Aıta keteıik, osyǵan deıin Toqaev Sadyr Japarovty Qyrǵyzstannyń Táýelsizdik kúnimen quttyqtady.
