Qasym-Jomart Toqaev QHR Tóraǵasyn týǵan kúnimen quttyqtady
ASTANA. KAZINFORM – Memleket basshysy Qasym-Jomart Toqaev Qytaı Halyq Respýblıkasynyń Tóraǵasy Sı Tszınpınniń týǵan kúnine oraı quttyqtaý jedelhatyn joldady, dep habarlaıdy Aqordanyń baspasóz qyzmeti.
Prezıdent hatta QHR Tóraǵasynyń Qazaqstan men Qytaı arasyndaǵy myzǵymas dostyqqa, tatý kórshilikke jáne ózara qoldaýǵa negizdelgen máńgi jan-jaqty strategııalyq seriktestikti nyǵaıtýǵa zor úles qosqanyn atap ótken.
Memleket basshysy Qazaqstan-Qytaı qarym-qatynasynyń qazirgi «altyn otyzjyldyq» kezeńinde ekijaqty yntymaqtastyq joǵary qarqynyn saqtaı otyryp, odan ári nyǵaıa túsetinine jáne yqpaldastyqtyń jańa baǵyttaryn qamtıtynyna senim bildirdi.
Qasym-Jomart Toqaev Sı Tszınpınniń memlekettik qyzmetine tabys, al dostas Qytaı halqyna baq-bereke tiledi.
Aıta keteıik, Memleket basshysy osyǵan deıin AQSh Prezıdenti Donald Trampqa quttyqtaý jedelhatyn joldaǵan bolatyn.
