Qasym-Jomart Toqaev QHR Tóraǵasy atynan uıymdastyrylǵan resmı qabyldaýǵa bardy

Prezıdent Qasym-Jomart Toqaev joǵary deńgeıdegi «Bir beldeý, bir jol» bastamasynyń ІІІ forýmyna qatysatyn delegatsııa basshylarynyń qurmetine oraı QHR Tóraǵasy Sı Tszınpınniń atynan uıymdastyrylǵan resmı qabyldaýǵa keldi.  Kazinform bul týraly Aqordaǵa silteme jasap habarlaıdy.

Sondaı-aq málim etilgendeı, Memleket basshysy joǵary deńgeıdegi «Bir beldeý, bir jol» forýmynyń aıasynda beıresmı jaǵdaıda Indonezııa Prezıdenti Djoko Vıdodomen, Pákistan Premer-mınıstriniń mindetin atqarýshy Anvar-ýl-Hak Kakarmen, Mońǵolııa Prezıdenti Ýhnaagıın Hýrelsýhpen, Ózbekstan Prezıdenti Shavkat Mırzıeevpen, Majarstan Premer-mınıstri Vıktor Orbanmen, Túrikmenstan Halk Maslahatynyń Tóraǵasy Gýrbangýly Berdimuhamedovpen jáne BUU Bas hatshysy Antonıý Gýterrıshpen júzdesti.

Áńgimelesý barysynda memleketter basshylary aımaqtyq jáne halyqaralyq kún tártibindegi ózekti máseleler jóninde pikir almasty. Sonymen qatar ózara yntymaqtastyqty damytý perspektıvalaryn talqylady.

Foto: Aqorda

Foto: Aqorda