Qasym-Jomart Toqaev halyqty ónbes daýdan aýlaq bolýǵa shaqyrdy
ASTANA. KAZINFORM – Memleket basshysy Qasym-Jomart Toqaev aýyl sharýashylyǵy qyzmetkerleriniń birinshi forýmynda Qazaqstanǵa strategııalyq baǵytynan aýytqymaý úshin ne kerek ekenin aıtty.
«Ádiletti Qazaqstandy qurý jolynda áli de kóp jumys isteý qajet. Ol úshin jalpyulttyq biregeıligimizdiń negizin udaıy nyǵaıtyp, memlekettik basqarýdyń tıimdiligin arttyryp, ekonomıkany dáıekti túrde damytý kerek. Eldik maqsattarymyzdyń kókjıegin kóre bilý mańyzdy. Sonda ǵana aldymyzǵa qoıǵan strategııalyq mindetterdiń baǵytynan aýytqymaımyz», — dedi Prezıdent.
Sondaı-aq, Prezıdent halyqty ónbes daýdan aýlaq bolýǵa shaqyrdy.
«Bos áńgimeler men ónbes daýlardy qýmaı, bolashaqqa senimmen qadam basýymyz kerek. Batyl bastamalarymyzdy birge júzege asyratynymyzǵa senimdimin», — dedi Memleket basshysy.
