Qasym-Jomart Toqaev Qazaqstannyń halyq ártisi Esmuhan Obaevtyń otbasyna kóńil aıtty
ASTANA. KAZINFORM - Prezıdent kórnekti óner qaıratkeri, rejısser-stsenarıst, І dárejeli «Barys» jáne «Parasat» ordenderiniń ıegeri Esmuhan Obaevtyń dúnıeden ótýine baılanysty onyń otbasy men jaqyn týystaryna kóńil aıtty, dep habarlaıdy Aqordanyń baspasóz qyzmeti.
– Esmuhan Nesipbaıuly sanaly ǵumyryn kıeli sahnaǵa arnaǵan teatr tarlany, ónegeli óner ıesi edi. Ult rýhanııatyn ulyqtap, otandyq dramatýrgııanyń damýyna zor úles qosty. Jaýapty laýazymdardy abyroımen atqaryp, mádenıet kókjıegin keńeıtýge bar kúsh-jigerin jumsady, – dep jazylǵan jedelhatta.
Aıta keteıik, búgin Qazaqstannyń halyq ártisi Esmuhan Obaevtyń dúnıeden ozǵany týraly habarladyq.
