Qasym-Jomart Toqaev «Qazaqstan temir joly» qyzmetin qatań synady
ASTANA. KAZINFORM — Qasym-Jomart Toqaev kólik salasyndaǵy ahýaldy synǵa alyp, ınfraqurylymdy jańa jaǵdaıǵa der kezinde beıimdeý strategııalyq damýdyń sheshýshi faktory ekenin jetkizdi.
Atap aıtqanda, Memleket basshysy «Qazaqstan temir joly» UK» AQ qyzmetin qatań synap, kiristi arttyrý, qyzmetti ońtaılandyrý, sonyń ishinde tsıfrlandyrý quraldary arqyly kompanııanyń jumys tıimdiligin kóterý mindetin qoıdy.
Prezıdent logıstıka ortalyqtaryn keńeıtý, shekaralyq jáne kedendik rásimderdi jetildirý, saladaǵy barlyq úderisti keshendi tsıfrlandyrý, sondaı-aq júkterdiń irkilissiz ótýin qamtamasyz etý úshin ınfraqurylymdaǵy kedergilerdi joıý máselelerine aıryqsha toqtaldy.
Budan bólek, «Zań men Tártip» qaǵıdatyn saqtaı otyryp, ınvestorlarǵa, kólik-logıstıka kompanııalaryna barynsha qolaıly jaǵdaı jasaý qajettigine nazar aýdaryldy.
Osy oraıda, Prezıdent «Samuryq-Qazyna» qory men «Qazaqstan temir joly» kompanııasy basshylarynyń ustalýyna qatysty pikir bildirdi.
Keńes qorytyndysy boıynsha jaýapty memlekettik organdar men uıymdarǵa kólik-tranzıt salasyn odan ári damytý jáne Qazaqstan aýmaǵy arqyly ótetin halyqaralyq kólik baǵyttarynyń básekege qabilettiligin arttyrý jóninde tıisti tapsyrmalar berildi.
Tapsyrmalardyń oryndalýyn baqylaý Qaýipsizdik Keńesiniń apparatyna júkteldi.
Memleket basshysy Qaýipsizdik Keńesiniń shuǵyl otyrysyn ótkizgenin jazǵan edik.
