Qasym-Jomart Toqaev: Qazaqstan ShYU aıasynda kreatıvti ındýstrııany damytýdyń ortalyǵy bola alady
ASTANA. KAZINFORM – Prezıdent Qasym-Jomart Toqaev Shanhaı Yntymaqtastyq Uıymynyń sammıti aıasynda ótip jatqan «ShYU+» kezdesýinde uıym aıasyndaǵy bilim berý granttarynyń sanyn arttyrýdy usyndy.
«Qazaqstan kreatıvti ındýstrııany damytýdyń ortalyǵy bola alady jáne jyl saıyn ShYU elderindegi jas kóshbasshylar men daryndardyń kezdesýin ótkizýdi usynady. Bilim berý salasyndaǵy yntymaqtastyqqa qosymsha serpin qajet. Jańa oqý oryndary men dıalog seriktesterdi qosý arqyly ShYU ýnıversıtetiniń jelisin keńeıtý oryndy bolar edi. Stýdentterge, ásirese tehnıkalyq salalarda, beriletin granttar sanyn jyl saıyn ulǵaıtyp otyrýy kerek. Qazaqstan óz tarapynan jetekshi joǵary oqý oryndarynda bilim alý úshin ǵylymı jáne bilim granttaryn berý tájirıbesin jalǵastyrýǵa daıyn», - dedi Qasym-Jomart Toqaev.
Prezıdent ShYQ aıasyndaǵy yntymaqtastyq ustanymdaryna adal ekenin atap ótti.
«Qorytyndylaı kele, Qazaqstannyń ShYU jáne «ShYU+» formattaryndaǵy jan-jaqty jáne ózara tıimdi yntymaqtastyqqa degen ustanymy berik ekenin qaıtalap aıtqym keledi. ShYU seriktes elderiniń barlyq syndarly usynystary biregeı uıymymyzdyń odan ári progressıvti damýyna jańa serpin beretinine senimdimin», - dedi Memleket basshysy.
